އެ ކުނިވަސް

އުޑުމަތި ސާފު ރީތި ދުވަހެކެވެ. އެއީ ހުކުރު ދުވަހެކެވެ. މަލަކް ހޭލައިގެން އެންމެ ފުރަތަމަ ވެސް ނަމާދު ކޮށްލިއެވެ. ދެން ދިޔައީ އޭނާގެ މަންމަ އަށް އެހީ ވުމަށްޓަކައި ބަދިގެއަށެވެ. ހެނދުނު ސައިބޮއި ނިމުމުން މަލަކް ނިކުތީ ސިޓިންރޫމަށެވެ.

" ހިނގާ ދޯ މިއަދު މަސްބާނަން ދާން " މަލަކްގެ ދޮންބެ ކަމަށްވާ ދާއޫދް ބުންޏެވެ. އޭރު މަލަކްގެ ކޮއްކޮ ދިއާލް އާއި ފައިލަމް ސަކަރާތް ޖަހަން އުޅެއެވެ. " ތެދެކޭ ވަރަށް މަޖާ ވާނެ " މަލަކް ބުންޏެވެ. ހަތަރު ކުދިން ތައްޔާރު ވާން ފެށިއެވެ. އިއްޔެ ބައްޕަގެނައި މަސްކޮޅު މަލަކް ކޮށަން ފެށިއެވެ. ދާއޫދް ދޮށިނަގައި ވަޅިއަކާއި ގަޑި ބަލާނެ ކުޑަ ގަޑިއަކާއި އެއްކޮށް ލިއެވެ. މަލަކް މަސްކޮޅު ކޮތަޅަކަށް އަޅައިފައި ދަބަހަށް ލިއެވެ. ދިއާލް މާސްކު ނެގިއެވެ. " މަސްބާނަން ދާނަންތަ" މަލަކް އޭނާގެ ކޮއްކޮ ތާރާ ގާތު އެހިއެވެ. ތާރާ ނޫނެކޭ ބުނުމުން ހަތަރު ކުދިން ހިނގައިގަތީ ތުނޑިއަށެވެ. ތުނޑީ އާއި ހިސާބަށް ގޮސް ފުރަތަމަ ވެސް އެންމެން މޫދަށް އެރިލައި ގައި ތެންމާލީއެވެ. ދެން ފެށީ މަސްބާނާށެވެ.

"ތިތާ މަސްބާނަން ހުންނާކަށް ނުވާނެ. ތިހިސާބު މާފުން " ދުރުގައި ހުރި މީހަކު ބުނެލިއެވެ. " ކޮންކަހަލަ މޮޔައެއް. ފުން ތަންތަނުން ދޯ މަސްބާނާނީ" ދާއޫދު ބުންޏެވެ. ހަތަރު މީހުން ވެސް ތިބީ
ރުޅިއައިސައެވެ. މަސްބާނައި ނިމުމުން އެންމެން ގެއަށް ދިޔައެވެ. ގެއަށް އައިސް ދުވެފައި ފައިލަމް ވަންނަނި ކޮށް ކައްސާ ލައިގެން ވެއްޓުނެވެ. މަލަކް ފެންވަރައިގެން ނިކުމެ ރީތި ވެލިއެވެ. އޭރު ދާއޫދް، ފައިލަމް، ދިއާލް އެމީހުންގެ ބައްޕަ ލުގުމާނާއި އެކު ހުކުރަށް ދަނީއެވެ. މަލަކް އޭނާގެ ކޮއްކޮ ތާރާއާއި އެކު ނަމާދު ކުރިއެވެ. ނަމާދު ކޮށްގެން ދެކުދިން އިނީ ހުތުބާ އަޑު އަހާށެވެ. ހުކުރުން މީހުން އައުމުން އެންމެން މެންދުރު ކާން ފެށިއެވެ. "ތަސްލީމާ ހާދަ މީރޭ ދޯ ސަޓަނި ހަދާގޮތް." ލުގުމާނު ބުންޏެވެ.

ފަސް ދުވަސް ފަސް

" ތަސްލީމާ މިދުވަނީ ކޮން ވަހެއް " ލުގުމާނަށް ކޮންމެސް އެއްޗެއް ކުނިވީމާ ދުވާވަހެއް ދުވިއެވެ.

" ނޭނގެ މީދަލެއް ކުނިވީ ކަންނެ " ތަސްލީމާ ބުންޏެވެ. އެއާފްރެޝްނާ ޖަހައިގެންވެސް ވަހެއް ނުފިލިއެވެ. ދޮވާވަހުން ނުނިދިގެން ދެމީހުންނަށް އެރޭ ނިދީ އެހެން ކޮޓަރިއެއްގައެވެ.

އަނެއްދުވަހު ހެނދުނު ހުރިހާ ކުދިން ސްކޫލަށް ލައިފައި ލުގުމާނު މުޅި ސީލިންގު ބެއްޔެވެ. އެއްގޮތަކުން ވެސް މީދަލެއް ނުފެނުނެވެ. ތަސްލީމާ މުޅި ކޮޓަރި ހޯދަން ފެށިއެވެ. އަލަމާރި ތެރެ ބަލަމުން ގޮސް މަސްބާނަން ގެންދިޔަ ދަބަސް ހުޅުވާލިއެވެ. އޭގައި މަސްކޮޅު އޮތް ކޮތަޅުން ދޮވާ ކުނިވަހުން ކެތް ނުވެގެން ދަބަސް އޮތް ގޮތަށް ކުނިގޮނޑަށް އެއްލާލިއެވެ. ގެއަށް އައުމުން އެކުދިންނަށް އެކަން އެނގުމުން އެކަކު އަނެކަކު ކުށްވެރި ކުރިއެވެ. މަލަކުގެ އަގުބޮޑު ގަޑިވެސް ގެއްލުނީ އެވެ. ނުލިބޭ ވައްތަރުގެ ކުޑަ ތޫނު ވަޅި ވެސް ގެއްލުނީއެވެ. މާސްކުވެސް ގެއްލުނީއެވެ. އަނބުރާ ދެން ކުނިގޮނޑެއް ނުހޭވޭނެން ނޫން ހެއްޔެވެ؟

-ނިމުނީ-