ސައިބޯނި

އަހަރެންނަށް 3 އަހަރެވެ. އަހަރެން ހުދުކުލަ ދެކެ ވަރަށް ރުޅިއާދެއެވެ. އަހަރެން ފެންވަރަން ގެންގުޅޭނީ ހުދުކުލައިގެ ސައިބޯންޏެކެވެ.

އެއްދުވަހެވެ އަރެންނާއި އަހަރެންގެ ދައްތަ ފަތިހުފަތިހާ ހޭލައިގެން ހުދުކުލައި ސައިބޯނި ހިފައިގެން މާމަ ފާހަނައަށް ވަދީމެވެ. ހަދާނެ ގޮތަކާ މެދު ވިސްނާށެވެ. އަހަރެންގެ ދައްތަ ވަރަށް ފައްކާ ހިޔާލެއްދިނެވެ. އެއީ ފާހާނަ ތަށި ތެރެއަށް ސައިބޯނި ވައްޓާލުމެވެ. އަހަރެން ފާހަނައަށް ފައިވަންތައް ވައްދާ ބޮކި ނިވައި ދޮރު ތަޅުލައިފައި މަޑުމަޑުން ސައިބޯނި ވައްޓާލީމެވެ. ދެން ދަނޑި ގަނޑަކުން ސައިބޯނި ނުފެންނަ ވަރުގައި ބަހައްޓާފައި ފްލެޝް ކޮއްލީމެވެ. ފެންގަނޑު މައްޗަށް އަރައިފިއެވެ. އަނެއްކާވެސް ފްލެޝް ކޮއްލީމެވެ. ދެން އަވަހަށް ފިލީއެވެ.

މާމަ ފާހަނައަށް ވަދެއްޖެއެވެ. މާމަ އިރުކޮޅަކުން ފާހަނައިން ނިކުމެ ހަޅޭލަވަން ފެށިއެވެ. "އަހުން ފާހާނަ އެއް ފްލެޝެއް ނުވޭ، ފާހަނައަށް ކުޅުނު މީހަކު އަތު ހުޅުން ބުރިކޮށްލާނަން " މާމަ އައިސް ވަކިން އަހަރެމެން ގާތުގައި ސުވާލު ކުރަމުން ދިޔައެވެ. އަލީމެންނޭ ކިޔާ އަހަރެމެން އެމީހުންނަށް ޖެހީމެވެ. މާމަ އެތިވަރު ގޮވަ ގޮވައިފައި ދިޔައެވެ. އަހަރެމެން ތިބީ ވަގުވަގަށް ބަލާށެވެ. ވަރަށް ބިރުންނެވެ.

ދެތިން ދުވަސް ފަހުން ބައްޕަ ފާހާނަ ހޮޅި ސާފުކުރަން ބޭރުމީހުން ތަކެއް ގޮވައިގެން އައެވެ. ފާހާނަ ހޮޅި ދޫކޮށްލައިފައި ސާފުކުރިއެވެ . ހޮޅީގެ ތެރެއިން އައި ނަޖިސް ފެނުގެ ސަބަބުން ބައްޕައައް ވަރަށް ބޮޑު އަގެއް ބޭރުމީހުންނަށް ދޭން ޖެހުނެވެ.

އެދުވަހު ޢަލީ މެންނަށް ކާއެއްޗެހި މާމަ ފޮރުވައިގެން. އަހަރެމެން މާމަ ގާތު އަހަރެމެންނޭ ބުނެ މަޢާފައް އެދުނީމެވެ. އޭގެ ފަހުން އަހަރެމެން ބޭކާރު އެއްޗިސެއް ފްލެޝެއް ނުކުރާމެވެ. މިހާރު ރަނގަޅަށް ފްލެޝް ކުރެވެއެވެ. އަހަރެމެންނަށް އާ ފިޔާތޮށި ކުލައިގެ ސައިބޯންޏެއް ލިބުނެވެ. އެސައިބޯނިން ވަރަށް މީރުވަސް ދުވަ އެވެ.
މިހާރުވެސް ހުދުކުލައިގެ ސައިބޯންޏެއް ފެނުމުން ހަނދާން ވަނީ ފާހާނަ ތަށި ތެރެއަށްލައި ފްލެޝް ކޮށްލި ހުދު ސައިބޯނި މަތިންނެވެ.

-ނިމުނީ-

މީ އަޅުގަނޑު ލިޔާ ފުރަތަމަ ވާހަކަ ކަމުން ކުށް ހުރެދާނެއެވެ.